“Ang Delikadong Pagbaba ng Electrolytes Matapos Ang 21km na Takbo Nuong ika-12 ng Hunyo, Ang Pagbabago sa Akademikong Tahak Upang Mag Align Sa Plano, at Ang Pang Hunyong Isyu na Magazine ng IEEE Aerospace and Electronics Systems Society”
Ang nakaraang takbo nuong ika-12 ng Hunyo ay nilagay ako sa panganib dahil matapos ito ay bumaba ng sobra ang eletrolytes sa aking katawan at dahil nakalimutan ko narin mag gatas para sa mas maraming electrolyte source kumpara sa mga hydration salts na aking ginagamit bago at matapos ang aking mga malayuang takbo samantalang ang hydration salts tulad ng Oresol o Hydrite ay gamit ko tuwing nasa kalagitnaan ng mga takbo.
Ang problema ko lamang sa gatas ay may allergy ako patungkol dito. Hindi ito isang kaso lamang ng lactose intolerance kundi talagang nilalabanan ng aking immune system ang mga protina na dala ng gatas kaya't ang side effect nito sakin ay nasisira ang aking tyan o kapag malala ang reaction ay nagkakalagnat ako dito, rashes, nanakit ang mga joints ng buto, kasama na ang bloated stomach at matinding sakit ng ulo. Madalas ay reaction lamang ng tyan, sakit ng ulo, at minsan lagnat. Kelangan ko tiisin ang mga reactions na ito upang mapanatili ko ang effective source of nutrients at electrolytes mula sa gatas upang matustusan ang aking pangangailangan dala ng functional atheletic lifestyle.
Dahil matagal narin akong di nag gagatas ay di ko napansin na mababa na ang level ng electrolytes sa aking katawan kaya't kinagabihan ng ika-12 ng Hunyo ay nagsimula ko na maramdaman ang mga simtomas matapos ang malayuang takbo ng tanghali at lumala ito nuong byrenes dahil mula sa light na pamamanhid ng aking pisngi at tumindi ito at nuong byernes ng umaga at dama ko na tila may invisible hand na nakahawak sa aking puso at pinipiga ito.
Una ko naranasan ang ganito nuong nasa serbisyo pa ako sa hukbong katihan bilang sundalo at dahil dumating ako sa punto na naghahanda ako para pumasok sa combat schooling na mga kurso para sa special operations tulad ng scout ranger at special forces ay tumindi rin ang aking mga workouts at isang araw habang nag eensayo ako ng malayuang langoy sa swimming pool sa kampo ay biglang humigpit ang aking puso at manhid ang aking mga mukha at binti. Pag dating ko sa military hospital at kinausap ako ng isang military doctor at lumalabas sa pagsusuri na nasosobrahan ko ang exercises nang walang kapalit sa mga nawawalang electrolytes sa aking katawan kaya't nagkakaroon ng electrolyte imbalance ang aking puso at dahil dun ay irregular ang electric pulses at nag sanhi ng cramps sa puso u paninikip na syang maaring ikauwi sa cardiac arrest. Ito sa simtomas na sobrang baba ang aking electrolytes sa katawan lalo na ang Potassium at Magnesium. Ang solusyon ay uminum ng maraming gatorade ngunit dahil mahal ito at magastos ay minarapat ko na Hydrite o Oresol ang inumin, ngunit mas mainam na kasama ang gatas at pag hindi ako nag gagatas sa matagal na panahon at umaasa lamang sa Oresol o Hydrite ay hindi sapat ang naibabalik na electrolytes sa aking katawan.
Madalas ang palatandaan ko sa pagbaba ng electrolytes ay ang pamumulikat sa aking calves ngunit sa mga nakaraang takbo ay bumababa ng husto ang aking electrolytes ngunit kapansin pansin na di ako inaatake ng pamumulikat sa calve muscles pero baka dahil nasasanay narin ang aking calves sa dami na ng taon na ako ay tumatakbo ng malayo.
Dahil din sa nangyari nuong byernes ay hindi ako nakapunta sa isang importanteng lakad patungkol sa university.
Sa kabilang banda naman ay ilang araw ko nang pinag-iisipan ang aking track sa programang BSEE. Ang naging malaking problema ko dito ay hindi ito optimized sa aking mga plano patungkol sa pagtayo ng kumpanya na unang una ay para sa depensa at sunod lamang ang enerhiya at ito ay dahil sa kasalukuyang pagbabago dala ng AI. Ibang sana ang istorya kung wala ang kasalukuyang AI.
Sa lumang pananaw nuong hindi biglang umusbong ng sobra ang Large Language Models o LLM, ang pananaw sa Electrical Engineering bilang pinaka moderno sa lahat ng engineering at pinaka generalist ay totoo at makabuluhan. Ngunit sa hindi inaasahan at biglang pag-usbong ng larangan ng Connectionist AI ay maraming larangan ang nagiging eksperto na ang LLM. Sa maiksing panahon ay naging co-engineer na agad ang AI at katunayan ay ginagamit na ito sa mga workplace at tumutulong mag lutas ng mga trabahong trivial pero tedious o di kaya ay mga mahihirap na problema o komplikado at dahil sa narinig ko sa balita nitong mga nakaraang linggo lamang na nagiging exponential na ang growth ng AI ay siguradong malaking pagbabago pa ang makikita sa nalalapit na hinaharap. Kung co-engineer na ang AI ngayun, sa susunod ay magiging lead na ito kaya naman maraming trabaho na ang nawawala at ang halimbawa nito ay sa Amerika kung saan biglang bumaba na ang demand sa mga engineers na gumagawa ng mga software at unti unti na ito mararamdaman sa Pilipinas.
Samakatwid ay inaagaw na ng AI sa mga tao ang pagiging eksperto sa iba't ibang larangan tulad narin ng Electrical Engineering at di ligtas dito ang Power Systems na syang specialization ng isang BSEE sa Pilipinas. Hindi naman tuluyan na AI ang hahawak sa mga ganitong trabaho ngunit dahil sobrang dali sa AI ang mga ganito domain knowledge ay mababawasan ng malaking sukat ang kelangan na Electrical Engineers sa industriya at konti lamang ang kekelanganin dahil magiging co-engineer ang AI dito. Kung dati at may 3 engineer sa panimula, isang lead at dalawang individual contributors at mag hihire ng dagdag na 5 pang engineers, sa panahon ng LLM ngayun ay hindi na maghihire ng dagdag na limang engineer at bagkus ay AI ang pupunan sa kakulangan nito pag dating sa domain knowledge expertise at ang mag eexecute ng mga pangangailangan sa field ay ang mga engineers na andun na kasama ng lead o di kaya ay mag hihire ang mga ito ng Electrical Technicians or Electrical Technologist na mas mababa ang mga sahod kumpara kapag nagdagdag ng mga engineer. Ang hindi mapapalitan sa ngayun ay ang mga Electrical Technicians at Electrical Technologists dahil hindi naman kaya ng AI pumunta sa field at gumawa ng field work sa ngayun ngunit sa hinaharap ay makakayanan ito sa tuloy tuloy ngunit mabagal na pag-usbong ng bipedal ambidextrous utility robots na syang pinopondohan ng DARPA sa matagal na panahon.
Naging palaisipan tuloy sakin kung anong larangan ng STEM ang hindi mapapalitan ng isang AI pag dating sa pagiging eksperto sa domain knowledge at ang hindi lamang mapapalitan ay Pure Mathematics, Theoretical Physics, Systems Engineering, at ang pinagsanib na EECS o ang Computer Engineering. Sa madaling salita, ang mga larangan na ito sa STEM ang mananatiling ligtas sa AI o maituturing na AI-proof.
Dahil din sa plano ko na mag tayo ng kumpanya at gusto ko ito ma incorporate hindi sa Pilipinas ay hindi ko kelangan ang PRC lisence sa engineering at bagkus ay dapat ko habulin ang ABET accreditation upang lumebel sa kumpetensya sa labas ng bansa pagdating sa kaalaman at kakayahan bilang isang engineer.
Kung kaya na ng AI ang mga bagay na inaaral sa mga engineering tulad ng Electrical Engineering, para sakin ay mawawalan ng saysay ang aking oras at pagod sa pag-aaral at makabubuti na ang aralin ko ay specialized field na ng Electrical Engineering na AI-proof at mga control na mas akma para sa mga autonomous at smart systems at ang larangan na sakto dito ay Electrical Engineering Computer Science o Computer Engineering.
Dahil din natapos ko na ang Computer Science ay mabilis akong matatapos din kapag lumipat ako ng BSEECS o di kaya BS Computer Engineering kumpara pag BSEE habang nag sasariling aral ng Theoretical Physics. Pag dating naman sa mga bagay na meron sa Electrical Engineering na kulang o wala sa Computer Engineering tulad ng malalim na Electromagnetics at Material Science, ay pwede ko din itong isariling aral mula sa public courseware ng Massachusetts Institute of Technology sa Amerika sa kanilang programang EECS o ang Electrical Engineering Computer Science na bukas naman para sa online access at libre para sa publiko.
May mga bagay na hindi na natin kontrol tulad ng pagbabago ng panahon at bilang isang visionary at deep tech founder ay hindi lang akma kundi nararapat sakin na sumabay ako sa mga pagbabagong ito upang sumabay sa kumpetisyon. Mas flexible na setup ng schooling, ABET accreditation dahil sa labas ng bansa mga investors pati ang incorporation ng kumpanya at sa labas din ng bansa ang mga cliente kaya't nararapat na may ABET branding akong dala, AI-Proofing, malakas na digital controls para sa mga smart weapons, at may proven na systems engineering approach pag dating sa integration ng hardware at software na syang critical para sa mga smart na uri ng mga armas sa panahon ngaun at sa hinaharap.
Kung ipipilit ko manatili sa programang BSEE ay mahahalintulad ito sa sitwasyun kung saan nananatili parin ang isang hardware interface programmer na mag code gamit ang assembly language samantalang may C programming language na mas akma nang gamitin para sa mga systems na naka interface sa hardware o di kaya ay gumagamit parin ng C sa paggawa ng mga enterprise software samantalanag may Java naman na mas akma para dito at nawawalan ng saysay ang kapaguran dahil sa mga ganitong taliwas na pamamaraan.
Tulad din ng naitala ko ng nakaraan, ang magiging importante sa industriya sa hinaharap ay ang mga nag iintegrate ng mga sistema mula sa ibang ibang fields upang gumawa ng mas malaking systems. Isang Systems Engineer (o di kaya EECS o CpE) na gagamitin ang AI upang mag analyze at mag design ng mga individual component systems mula mechanical, electrical, hanggang software at gagamit ng automation sa production ng bagay na ito tulad ng 3D polymer and metal printers para sa mechanical parts, 3D circuit printers para sa electrical at electronic parts, at intelligent IDE para sa automated coding ng software at matapos lahat yan ay may device na silang nagawa ng hindi umaasa sa iba't ibang uri ng engineers at hindi narin umaasa sa mga iba't ibang uri ng technologist o technicians.
Baka nga unti unting mawala ang iba't ibang larangan ng engineering at ma deligate na ito bilang specialized knowledge and skill ng kagamitang AI na gagamitin nalamang ng isang generalist na Engineer. Kumbaga ang nakagawian at nakagisnan na hiwalay na mga engineering fields ay maaring ilagay sa isang black box at abstracted na ito sa isang Systems Engineer o sa isang EECS o Computer Engineer at ang aaralin nalamang ng mga ito ay paano ikonek sa isa't isa ang mga iba't ibang black box na ito upang makabuo ng functional system o sistemang magagamit. Halimawa sa paggawa ng isang smart missile, pweding Systems Engineer na ang mag aanlyze ng requirements dito, mag dedesign, at mag mamanufacture gamit ang AI at mga kagamitang automation. Hindi na nya kelangan pa matutunan ang mga domain knowledge ng bawat components ng missile at bagkus ang importante na lamang ay maiconnect nya ang bawat components na ito sa isa't isa, mapag interface nya ang mga ito at ang tanging alam nalamang ng isang Systems Engineer ay ang functional behavior nalamang ng mga block boxes na ito at ang sum ng behaviors ng mga components na ito kapag linear behavior or di kaya ang complex dynamics ng mga components na ito kapag non-linear ang mga ito. Hindi ba't ganito ang isa sa mga roles ng isang EECS or CpE, isang systems integrator o systems engineer.
Tapusin ko lang ang mga requirements ko sa summer term at magbabago ang aking tahak sa akademika.
Lumabas na pala ang magazine ng IEEE AESS para sa isyu sa hunyo at nakatuon ang mga artikulo patungkol sa mga makabagong pag-unlad sa larangan ng radars. Marapatin ko sanang ipamahagi dito ang link para sa magazine ngunit mga members lamang ng IEEE Aerospace and Electronics Systems Society ang makakapasok upang mabasa ang magazine.
© 2025 Tony Stark Ng Tawalisi ™