Hodiaŭ, en Maroko, estas la Granda Festo, Aid al-Adha. En aliaj landoj, la festo komenciĝis hieraŭ. Mi estas ĉe mia bofamilio, kaj ni tagmanĝas kune. La urbo Kazablanko estas tre trankvila. La stratoj en mia kvartalo estas preskaŭ malplenaj. Multaj homoj vojaĝas aŭ iras al la kamparo por festi. Pro la granda sekeco, la maroka reĝo malpermesis la oferadon. Mia bofamilio jam de pluraj jaroj ne plu faras la oferon. Ni simple manĝas iom da viando por festi kiel kelkaj broĉetoj.